barbe

Barbe, f. penacut. Est proprement le poil qui croist aux joües, levres et menton, soit à l'homme, soit à la femme, quand par grande virilité elle est ainsi velue, Barba, dont ledit mot est prins, car le poil qui croist en la teste et autres parties du corps, n'est comprins ne appelé de ce nom, ains poil, Pilum. Selon ce Clodio second Roy de France, Payen, fut surnommé non barbu, ores qu'il fust fort velu par tout son corps (comme recite Nicole Gilles en sa Chronique,) ains chevelu sans plus. Et l'Empereur Barberousse, eut tel sur-nom à cause du teint de sa barbe, ores qu'il ne laissast d'estre pelu és autres endroits de sa personne. La barbe est marque de respect et dignité en l'homme. Et partant et les Philosophes, et les Rois l'ont portée et nourrie de tout temps. Et les adoptions ou affiliations estoient anciennement celebrées et faites par attouchement de la barbe du pere adoptant. Nicole Gilles en la vie de Clovis, Alaric Roy des Wisigots feit feintement alliance au Roy Clovis, et par l'attouchement de sa barbe, selon la coutume ancienne, l'adopta son fils, et l'institua son heritier, par ce qu'il n'avoit nul enfant. Aussi en temps de dueil public, on la mettoit bas au temps jadis, comme recite Suetone, In Caligula. Dont les Portugais en temps de dueil par mort, font l'opposite, car ils la laissent croistre sans culture, l'an de dueil durant.

La barbe qui commence à venir, Barbe follete, Lanugo, Prima barba, Incipiens barba.

Qui n'a point encore de barbe, Imberbis, Inuestis.

Barbe de chevre, Aruncus.

La barbe d'un coq, Palea.

Barbe fort longue, Promissa barba, vel immissa, Longa.

Commencer à avoir barbe et devenir homme, Pubescere.

Faire à Dieu barbe de foarre, Praua religione Deum solicitare.

Barber, est faire la barbe, Tondere, Radere, Abradere, Demere barbam. Vnde Barbier, Tonsor, et esbarber, oster la barbe. Esbarbé, Impubes.

Ils faisoient la barbe et les cheveux à leur pere, Tondebant barbam et capillum patris.

Mettre en barbe à aucun, voyez Teste, en la locution, Mettre en teste. Opponere. Liu. lib. 23.

Une herbe appelée barbe de bouc, Come, Tragopogon, Hirci barba.

Barbes, Maladie et pustules qui viennent és langues des chevaux, Ranae, ranarum.

Thresor de la langue françoyse. Jean Nicot.